ہندوارہ۲۵، اپریل ؍ ؍ ہندوارہ میں بجلی رسوینگ اسٹیشن میں میں موجود کروڑوں روپے مالیت کا بجلی ٹرانسفار مر جل جانے کے نتیجے میں وسیع علاقے کی 2لاکھ نفوس پر مشتمل آبادی کو گزشتہ 12روز سے دن میں صرف ایک گھنٹہ بجلی فراہم کی جاتی ہے جس کے نتیجے میں علاقے کے عام صارفین کے ساتھ ساتھ سب ضلع اسپتال ہندوارہ میں عملہ اور مریضوں کو سخت مشکلات کا سامنا کرنا پڑ رہا ہے ۔جبکہ علاقے میںمشروبات اور آئس کریم کے کار بار سے منسلک افراد کو زبردست نقصان سے دو چار ہو نا پڑ ا۔ادھر انتظامیہ اور محکمہ بجلی کے اعلیٰ افسران نے واقعے کے حوالے سے تحقیقات شروع کر دی ہے ۔ کشمیر نیوز سروس ( کے این ایس )کے مطابق شمالی کشمیر کے ہندوارہ علاقے میں آج سے12روز قبل علاقے میں قائم بجلی رسوینگ اسٹیشن میں موجود کروڑوں روپے مالیت کا بجلی ٹرانسفارمرجل گیاہے جس کے نتیجے میں علاقے کے2لاکھ نفوس پر مشتمل آبادی کو دن میں صرف ایک گھنٹہ بجلی فراہم کی جاتی ہے جس کے نتیجے میں مقامی لوگوں کو سخت مشکلات کا سامنا کرنا پڑ رہا ہے ۔ مقامی لوگوں نے بتایا ٹرانسفار مر میں خرابی کے بعد علاقے کے عام لوگوں کے ساتھ ساتھ ایس ڈی ایچ ہندوارہ میں مریضوں کے ساتھ ساتھ عملے کو مختلف ٹسٹوں اورباقی ضروریات کے درکار بجلی کی عدم موجود گی باعث مشکلات کا سامنا کرنا پڑ رہا ہے انہوں نے بتایا بجلی غائب رہنے کے نتیجے میں اسپتال میں اہم مشین کام نہیں کر رہے ہیں جس کے باعث لوگوں کو پرائیوٹ میں کام کرنا پڑ رہا ہے ۔ ادھر مقامی دکانداروں نے بتایا انہوں نے موسم میں تبدیلی اور گرمی کا موسم شروع ہونے کے ساتھ کافی تعداد میں مشروبات اور آئس کریم دکانوں پر لائی تھی جو بجلی کی عدم موجود گی کے باعث مکمل طور خراب ہوئی ہے جس کے نتیجے میں دکانداروں اور فیکٹری مالکان کو بڑے نقصان سے دوچار ہونا پڑا۔مقامی لوگوں کا الزام ہے محکمہ بجلی کے ملازمین کی وجہ سے علاقے میں یہ سب ہوا ہے جس کے حوالے سے انہوں انتظامیہ اور محکمہ بجلی کے اعلیٰ حکام کی نوٹس میں معاملے کو لایا ہے جنہوں تحقیقات کا یقین دلایا ہے آبادی نے علاقے میں ٹرانسفار مر کو فوری طور ٹھیک کرنے اور علاقے کی آبادی کو شڈول کے مطابق بجلی سپلائی فراہم کرنے کا مطالبہ کیا ۔