جموں وکشمیر کی اسٹارٹ اپ پالیسی مستقبل قریب میں ایک نئی شکل اختیار کرنے والی ہے/ڈائریکٹر اعجاز بٹ

سری نگر// بین الاقوامی مرکز برائے کلچرل ریسرچ اینڈ ہیومن ریسورس مینجمنٹ (آئی سی سی سی آر اینڈ ایچ آر ایم) اور جموں یونیورسٹی میں زیر تعلیم طلباءنے آج جموں و کشمیر انٹرپرینیورشپ ڈیولپمنٹ انسٹی ٹیوٹ کے باری برہمن کیمپس کا دورہ کیا۔ایک دن کے ایکسپوڑر وزٹ کے دوران، جے کے ای ڈی آئی بکے ماہرین نے یو ٹی کے سٹارٹ اپ ایکو سسٹم کا جائزہ پیش کیا تاکہ طلباءکو کاروباری ذہنیت تیار کرنے میں مدد ملے۔ جے کے ای ڈی آئی کے ڈائریکٹر اعجاز احمد بٹ نے بھی آنے والے طلباءاور فیکلٹی ممبران سے بات چیت کی۔اپنے خطاب میں انہوں نے طلباءکی حوصلہ افزائی کی کہ وہ اسٹارٹ اپس کے لیے حکومت کی مختلف مراعات حاصل کریں۔ انہوں نے اس حقیقت کا اعادہ کیا کہ تاجر اس وقت ملک کی ترقی کی کہانی کو آگے بڑھا رہے ہیں اور ہم میں سے ہر ایک کو اپنا کردار ادا کرنا ہے۔ مرکزی اوریوٹی حکومت کے حالیہ پالیسی اقدامات کے پیش نظر، نوجوانوں کی اکثریت اپنے کیریئر کے پہلے انتخاب کے طور پر انٹرپرینیورشپ اختیار کر رہی ہے۔جموں وکشمیر کی اسٹارٹ اپ پالیسی مستقبل قریب میں ایک نئی شکل اختیار کرنے والی ہے اور مجھے یقین ہے کہ یہ خواہش مند کاروباری افراد کے لیے فائدہ مند ثابت ہوگی جو جذبے اور اختراع سے کام لیتے ہیں۔۔ وشال رے، انچارج، سینٹر فار انوویشن، انکیوبیشن اور بزنس ماڈلنگ، جے کے ای ڈی آئی نے یوٹی کے اسٹارٹ اپ ایکو سسٹم کا ایک جائزہ پیش کیا۔ انہوں نے انسٹی ٹیوٹ میں اسٹارٹ اپ کے خواہشمندوں کے لیے دستیاب مراعات اور سہولیات پر غور کیا۔ انسٹی ٹیوٹ کے ٹیچنگ ایسوسی ایٹ ڈاکٹر ونود کمار نے بزنس پلان اور تفصیلی پروجیکٹ رپورٹس کی تیاری پر ایک تکنیکی سیشن دیا۔ دیویا شرما، اسسٹنٹ فیکلٹی نے انسٹی ٹیوٹ کا جائزہ لیا۔ڈاکٹر ایشا شرما، فیکلٹی اور پلیسمنٹ کوآرڈینیٹر، ICccR اور ایچ آر ایم ، نے اس دورے کو مربوط کیا۔ اس موقع پر جے کے ای ڈی آئی کے سینئر فیکلٹی ممبران ڈاکٹر ماجد منظور خان، ڈاکٹر معراج الدین بھٹ اور عارف احمد خان بھی موجود تھے۔